---

George MacDonald - Gaein And Comin
Work rating: Low

Whan Andrew frae Strathbogie gaed
The lift was lowerin dreary,
The sun he wadna raise his heid,
The win` blew laich and eerie.
In`s pooch he had a plack or twa—
I vow he hadna mony,
Yet Andrew like a linty sang,
For Lizzie was sae bonny!
O Lizzie, Lizzie, bonny lassie!
Bonny, saucy hizzy!
What richt had ye to luik at me
And drive me daft and dizzy?

Whan Andrew to Strathbogie cam
The sun was shinin rarely;
He rade a horse that pranced and sprang—
I vow he sat him fairly!
And he had gowd to spen` and spare,
And a hert as true as ony;
But his luik was doon, his sigh was sair,
For Lizzie was sae bonny!
O Lizzie, Lizzie, bonny hizzy!
Aih, the sunlicht weary!
Ye`re straucht and rare—ye`re fause though fair!—
Hech, auld John Armstrong`s deary!
Source
The script ran 0.001 seconds.