---

Christopher Marlowe - In Obitum Honoratissimi Viri, Rogeri Manwood, Militis, Quaestorii Reginalis Capitalis Bareonis
Language: lat
Work rating: Low

NOCTIVAGI terror, ganeonis triste flagellum,
Et Jovis Alcides, rigido vulturque latroni,
Urna subtegitur.  Scelerum, gaudete, nepotes!
Insons, luctifica sparsis cervice capillis,
Plange! fori lumen, venerandae gloria legis,
Occidit: heu, secum effoetas Acherontis ad oras
Multa abiit virtus.  Pro tot virtutibus uni,
Livor, parce viro; non audacissimus esto
Illius in cineres, cujus tot millia vultus
Mortalium attonuit: sic cum te nuntia Ditis
Vulneret exsanguis, feliciter ossa quiescant,
Famaque marmorei superet monumenta sepulcri.
Source
The script ran 0.001 seconds.