---

Ahmad Faraz - Silsile toR gayaa vo
Language: hau
Work rating: Low

silsile toR gayaa vo sabhii jaate jaate
varnaa itne to maraasim the ke aate jaate

shikvaa-e-zulmat-e-shab se to kahiiN behtar thaa
apne hisse kii ko’ii shammaa jalaate jaate

kitnaa aasaaN tha tere hijr meN marna jaanaaN
phir bhi ik umar lagi jaan se jaate jaate

jashn-e-maqtal hi na barpa hu’aa varnaa ham bhii
paa-bajolaaN hii sahii naachte gaate jaate

uskii vo jaane usse paas-e-vafaa thaa ke na thaa
tum “Faraz” apnii taraf se to nibhaate jaate
Source
The script ran 0.001 seconds.